اسلام آباد(مانیٹرنگ ڈیسک)وزارت اطلاعات کی جانب سے پی ٹی وی بورڈ آف ڈائریکٹرز کو جاری نوٹیفکیشن میں ارشد ملک کو چیئرمین منتخب کرنے کی ہدایت، بورڈ آف ڈائریکٹرز میں ترجمان پاک فوج میجر جنرل آصف غفور بھی شامل، بورڈ آف ڈائریکٹرز میں شامل افراد نوٹیفکیشن مسترد کر دیں، معروف صحافی رئوف کلاسرا پھٹ پڑے۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی رئوف کلاسرا نے انکشاف کیا ہے کہ وزارت اطلاعات و نشریات کی جانب سے پی ٹی وی بورڈ

آف ڈائریکٹرز کو جاری نوٹیفکیشن میں ارشد ملک کو چیئرمین منتخب کرنے کی ہدایت کی ہے جو کہ بورڈ آف ڈائریکٹرز کےممبر ہیں۔ واضح رہے کہ بورڈ آف ڈائریکٹرز اپنے ووٹوں سے چیئرمین کا انتخاب کرتے ہیں۔ رئوف کلاسرا کا کہنا تھا کہ بورڈ آف ڈائریکٹرز میں ڈی جی آئی ایس پی آر میجر جنرل آصف غفور جو کہ ترجمان پاک فوج بھی ہیں شامل ہیں اور ایسے میں اس طرح وزارت اطلاعات و نشریات کی جانب سے ہدایات جاری کرنا نہایت غیر موزوں اور غیر مناسب ہے۔