لاہور(نیوز ڈیسک) لندن میں زیر علاج پنجاب اسمبلی کے آزاد رکن اور سابق وزیر داخلہ چوہدری نثار کی رکنیت ختم کرنے کے لیے پنجاب اسمبلی میں تحریک انصاف کی مومنہ وحید نے قرارداد جمع کرا دی، ان کی طرف سے جمع کرائی گئی قرارداد میں کہا گیا ہے کہ چوہدری نثار نے تاحال
بطور رکن پنجاب اسمبلی حلف نہیں اٹھایا، حلف نہ اٹھا کر چوہدری نثار ایوان کی توہین کر رہے ہیں، قرارداد میں کہا گیا کہ ایوان مطالبہ کرتا ہے کہ آزاد حیثیت میں رکن اسمبلی چوہدری نثار کی رکنیت ختم کی جائے۔ واضح رہے کہ چوہدری نثار علاج کے سلسلے میں تاحال لندن میں ہیں۔
