اسلام آباد (نیوز ڈیسک) پاکستان مسلم لیگ (ن)کے رکن قومی اسمبلی رانا ثناء اللہ نے کہاہے کہ ووٹ کو عزت دو کے موقف پر قائم ہیں اور اس حوالے سے کوششیں کرتے رہیں گے ٗ مسلم لیگ (ن) کا رانا مشہود کے بیان سے تعلق نہیں ٗ مسلم لیگ (ن) جمہوری انداز میں کام کرتی رہے گی۔بدھ کو پارلیمنٹ ہائوس کے باہر میڈیا سے بات چیت کرتے ہوئے رانا ثناء اللہ نے کہا کہ چار برسوں میں سسٹم کو متاثر کرنے کی کوشش کی گئی، جمہوریت کیلئے مسلم

یگ (ن) نے قربانیاں دی ہیں ٗہم اپنے ووٹ کو عزت دینے کے موقف پر قائم ہیں اور اس حوالے سے کوشش کرتے رہیں گے۔ انہوں نے کہا کہ 2018ء کے عام انتخابات میں ایک منظم منصوبہ کے تحت دھاندلی کے ذریعے مسلم لیگ (ن) کے مینڈیٹ کو چرایا گیا۔ رانا ثناء اللہ نے کہا کہ مسلم لیگ (ن) کا رانا مشہود کے بیان سے تعلق نہیں جس کی پارٹی نے پہلے ہی تردید کردی ہے، مسلم لیگ (ن) جمہوری انداز میں کام کرتی رہے گی۔