اسلام آباد (این این آئی) سابق چیف جسٹس آف پاکستان جسٹس (ر) افتخار چوہدری نے کہا ہے کہ میرے بیٹے اور داماد کا ایڈن ہاؤسنگ اسکینڈ ل سے کوئی تعلق نہیں ہے ٗہمارے خلاف انتقامی کارروائی کی جارہی ہے ٗمریم نواز نے جو سزا کاٹی وہ اس کی حقدار نہیں تھیں، سرسری نظر میں لگتا ہے کہ مریم نواز کی نااہلی ختم ہوجائے گی۔نجی ٹی وی سے گفتگو کرتے ہوئے سابق چیف جسٹس آف پاکستان
افتخار چوہدری نے کہا کہ موجودہ حکومت کو نقصان ہوا تو ذمہ دار وزیراطلاعات ہوں گے،سابق صدرپاکستان جنرل (ر) پرویز مشرف کے حوالے سے پوچھے گئے سوال کے جواب میں انہوں نے کہاکہ اگر مشرف بہادر ہیں تو واپس آکر عدالتوں کا سامنا کریں، مریم نواز نے جو سزا کاٹی وہ اس کی حقدار نہیں تھیں، سرسری نظر میں لگتا ہے کہ مریم نواز کی نااہلی ختم ہوجائے گی۔
