اسلام آباد (نیوزڈیسک ) ملکی تاریخ میں انوکھی واردات پیش آگئی ، اقتصادی امور ڈویژن کے گریڈ 20کے پاکستان ایڈمنسٹریٹو گروپ کے آفیسرز رغام حیدر نے کویت سے آنیوالے مہمان کا قیمتی بیگ اور دیناروں سے بھرا بٹوہ چوری کرلیا ،وزارت نے معذرت کرلی ،وفد ناراض ہوکر واپس چلاگیا ۔ تفصیلات کے مطابق جمعہ کوکویت کے اعلی سطح کے وفد جو دورہ پاکستان پر تھا ،

اقتصادی امور ڈویژن میں اجلاس کے دوران وفد کا قیمتی بیگ اور دیناروں سے بھرا بٹوہ اچانک غائب ہوگیا، ذرائع کے مطابق تمام ملازمین ، کمروں اور افسران کی الماریوں کی تلاشی لی گئی ، بڑے افسران نے چھوٹے ملازمین پر شکوک و شہبات کااظہار کیا تاہم وہ تمام شکوک غلط نکلے اور سی سی ٹی وی کی فوٹیج نے چور بے نقاب کر دیا۔ ذرائع کے مطابق ا قتصادی امور ڈویژن کے گریڈ 20کے پاکستان ایڈمنسٹریٹو گروپ کے آفیسرزرغام حیدر چور نکلے ، تلاشی کے دوران ان سے کویت سے آنیوالے مہمان کا قیمتی بیگ اور دیناروں سے بھرا بٹوہ برآمد کروالیا گیا ذرائع کے مطابق وزارت نے اپنے ہی آفیسر کے خلاف کارروائی شروع کردی ہے اور مذکورہ افسر کو گرفتارکرلیاگیا ہے دریں اثناء جب وفاقی وزیر اطلاعات فواد چوہدری سے اس چوری سے متعلق پوچھا گیا تو انہوں نے ایسا جواب دیدیا کہ صحافی بھی حیران ہو گئے۔ اعلیٰ افسر نے چوری کیوں کی؟ اس سوال پرپر فواد چوہدری نے کہا کہ ابھی تک زیادہ تر بیورو کریسی وہ ہے جس کی اخلاقی تربیت نواز شریف اور آصف علی زرداری نے کی ہے، جب ہماری بیورو کریسی آئے گی تو حالات مختلف ہوں گے۔ ملکی تاریخ میں انوکھی واردات پیش آگئی ، اقتصادی امور ڈویژن کے گریڈ 20کے پاکستان ایڈمنسٹریٹو گروپ کے آفیسرز رغام حیدر نے کویت سے آنیوالے مہمان کا قیمتی بیگ اور دیناروں سے بھرا بٹوہ چوری کرلیا ،وزارت نے معذرت کرلی ،وفد ناراض ہوکر واپس چلاگیا ۔