کراچی (این این آئی)پیپلزپارٹی کے چیئرمین بلاول بھٹو زرداری نے سہیل انور سیال کے غیرذمہ دارانہ بیان کا نوٹس لیتے ہوئے ان کی سخت سرزنش کی ہے،پیپلزپارٹی کے ذرائع کا کہنا ہے کہ بلاول بھٹو زرداری نے غیرذمہ دارانہ بیان پر سہیل انور سیال سے ناراضگی کا اظہار کرتے ہوئے ان سے بازپرس کی ہے۔
دوسری جانب سابق وزیر داخلہ اور پیپلزپارٹی کے رکن سندھ اسمبلی سہیل انور سیال نے کہا کہ اسمبلی فلور پر دئیے گئے اپنے بیان پر آج بھی قائم ہوں میں نے کسی اردو اسپیکنگ کے خلاف نہیں بلکہ اس اس سوچ کے خلاف بیان دیا جو آج بھی بھارت میں جاکر کہتے ہیں کہ ہم پاکستان بنا کر غلطی کی میرا بیان بارہ مئی اور بلدیہ فیکٹری جیسے سانحات کرنے والوں کے خلاف تھا خود مہاجر ہوں مہاجروں کے خلاف بات کا سوچ بھی نہیں سکتا میرے خلاف بات کرنے والے پہلے اپنے گریبانوں میں جھانکیں وہ جمعہ کو سندھ اسمبلی اجلاس سے قبل میڈیا سے گفتگو کر رہے تھے سہیل انور سیال کا کہنا تھا کہ میرا جمہوریت پسند جماعت سے تعلق ہے محمد حسین نے متنازعہ تقریر کی میری سگی چاچی اردو اسپیکنگ ہے میرے گاں فریداباد میں اردو اسپیکنگ لوگ آباد ہیں میری تقریر کو غلط رخ دیا گیا جو سندھ توڑنے کی بات کریگا ہم اسکے خلاف ہیں اردو اسپیکنگ اور سندھی بولنے والے بھائی بھائی ہیں ہم ہجرت کرنے والوں کے خلاف نہیں ہیں میرے خاندان نے خود پنجاب سے ہجرت کی ہے میرے حوالے سے کہا گیا کہ میرے بڑے بنیوں کے نوکر تھے وہ سن لیں ہم تب بھی زمیندار تھے آج بھی زمیندار ہیں جو سندھ کے خلاف بات کرے گا ہم اس کے خلاف ہیں پاکستان سندھ اسمبلی کی قرارداد پر قائم ہوا ہے میری تقریر لسانیت پھیلانے کے خلاف تھی میری تقریر چلانے سے پہلے خدارا محمد حسین کی تقریر چلائیں جس کی پہلے تقریر تھی انہوں نے کہا کہ ہم سندھ والوں کو پالتے ہیں میں نے بوری بند لاشوں کی سیاست کرنے والوں کے خلاف بات کی۔
