لاہور(مانیٹرنگ ڈیسک)عدالت کے حکم پر سٹی ٹریفک پولیس نے موٹر سائیکل سوار کیلئے ہیلمٹ پہننا لازمی قرار دیدیا ہے ۔ تفصیلات کے مطابق موٹرسائیکل سوار کو ہیلمٹ پہننا لازمی قرار دیا ہے ۔ سٹی ٹریفک کے وارننگ جاری کرتے ہی ہیلمٹ کی خریداری میں اچانک اضافہ ہو گیا ، شہریوں کے ہیلمٹ خریدتے ہی ان کی قیمتیں آسمان سے باتیں کریں لگیں ، جس پر شہریوں نے قیمتوں میں اضافہ کی شکایت کی جس کےبعد

ہیلمٹ کی قیمتیں مقرر کر دیں گئیں ۔ میڈیا رپورٹس کے مطابق ترجمان ضلعی انتظامیہ لاہور نے بتایا ہے کہ مال روڈ پر بغیر ہیلمٹ موٹر سائیکل چلانے پر مکمل پابندی لگادی ہے ۔ پابندی کی وجہ سے ہیلمٹ کی قیمتوں میں اضافے پر ضلعی انتظامیہ متحرک ہو گئی ہے ۔ان کا کہنا تھا کہ ضلعی افسران کی میکلورڈ روڈ کے تاجروں سے میٹنگ ہوئی ۔اجلاس میں ہیلمٹ کی قیمتوں پرفیصلہ کر لیا گیا ۔جس کے مطابق لوکل اور عام ہیلمٹ کی قیمت حد 500روپے جبکہ امپورٹڈ ہیلمٹ کی قیمت 1150روپے مقرر کر دی گئی ہے ۔ ضلعی انتظامیہ نے کہا ہے کہ اگر کوئی دکان دار آپ کو ایک ہیلمٹ پر اس سے زائد پیسے وصول کرے تو آپ ہمارے دیئے اس نمبر فوری طور پر 99210630 پر اطلاع دیں ، شہریوں کی اطلاع پر فوری کارروائی کی جائے گی اور ہیلمٹ زائد قیمت پر فروخت کرنے والوں کے خلاف کریک ڈاؤن کیا جائے گا۔ جبکہ دوسری جانب سٹی ٹریفک پولیس نے ہیلمٹ نہ پہننے والے 35 ہزار شہریوں کو چالان ٹکٹ تھما دیئے‘ مال روڈ کے بعد کینال روڈ، فیروز پور روڈ، جیل روڈ اور مین بلیوارڈ پر بھی بغیر ہیلمٹ موٹرسائیکل سواروں کا داخلہ ممنوع کرنے کی تیاریاں مکمل کر لی گئی ہیں۔ تفصیلات کے مطابق شہر بھر میں بغیر ہیلمٹ موٹرسائیکل چلانے والوں کیخلاف ٹریفک پولیس کا کریک ڈاون جاری ہے۔ پینتیس ہزار شہریوں کو چالان ٹکٹس تھما دیئے گئے ہیں جبکہ صرف مال روڈ پر ہی 6700 چالان کیے گئے۔شہریوں نے سڑکوں پر اس نئی تبدیلی کو خوش آئند کہا ہے انکا کہنا ہے یہ عمل پہلے ہو جانا چاہیے تھادوسری جانب سٹی ٹریفک پولیس نے لاہور کی 4 اہم شاہراہوں کینال روڈ، فیروز پور روڈ، جیل روڈ اور مین بلیوارڈ پر بھی بغیر ہیلمٹ موٹرسائیکل سواروں کا داخلہ ممنوع کرنے کی تیاریاں مکمل کر لی ہیں۔