اسلام آباد(مانیٹرنگ ڈیسک) حکومت نے بے گھر افراد کو خوش خبری دیتے ہوئے اکتوبر کے وسط میں درخواستیں طلب کرنے کا فیصلہ کر لیا۔ ’’ اپنا گھر‘‘ کے نام سے اتھارٹی قائم کی جائے گی۔ اتھارٹی بنانے کیلئے پنجاب اور کے پی اسمبلیوں سے قرار داد منظور کروائی جائے گی۔ جمعہ کو حکومت نے بے گھر افراد کو خوشخبری دیتے ہوئے 15 اکتوبر سے درخواستیں طلب کرنے کا فیصلہ کر لیا۔ کلر کہار اور بھیرہ کے
درمیان نیا شہر بھی آباد کرنے کی تجویز کی گئی۔ اپنا گھر کے نام سے اتھارٹی قائم کی جائے گی۔ اتھارٹی بنانے کیلئے پنجاب اور کے پی اسمبلیوں سے قرار داد منظور کروائی جائے گی۔جبکہ پاک آرمی نے وزیراعظم کے اس کار خیر میں بھرپور ساتھ دینے کا اعلان کیا ہے ۔ وزیراعظم عمران خان کے 50 لاکھ گھر تعمیر کرنے کے منصوبے کا آغاز اگلے ماہ سے شروع کر دیا جائے گا۔ 50 لاکھ گھر تعمیر کرنے کے منصوبے پر پاک فوج نے بھی حکومت کو تعاون کی شاندار پیشکش کر دی ہے۔ اس حوالے سے گذشتہ روز وزیراعظم عمران خان کی زیر صدارت ٹاسک فورس برائے ہاؤسنگ کے اجلاس میںلیفٹیننٹ جنرل معظم اعجاز نے اپنے افسران اور جوانوں کے لیے رہائشی ضروریات کو پورا کرنے کے لیے آرمی کے تجربات کے حوالے سے تفصیلی آگاہی دی ہے ۔انہوں نے 50 لاکھ رہائش گاہوں کی فراہمی کے لیے منصوبے پر عملدرآمد کے لیے فوجی تجربہ کے ساتھ خدمات کی فراہمی کی پیشکش بھی کی۔ وفاقی حکومت بے گھر افراد کیلئے قانون سازی کرے گی ۔ 15 اکتوبر سے گھروں کی طلب کا ڈیٹا اکٹھا کیا جائے گا کہ کتنی ڈیمانڈ ہے اور کس کس کیٹیگری کے لوگ اس میں حصہ لے رہے ہیں۔ مرکز کی سطح پر قائم ٹاسک فورس نے ابتدائی ہوم ورک مکمل کرلیا ہے۔ اس حوالے سے نادرا کی مدد سے ایک فارم تیار کیا جائے گا اس فارم کو عوام پر کرنے کے بعد معمولی فیس کے ساتھ مقررہ بنک میں جمع کروائیں گے۔ اس حوالے سے پنجاب اور فیڈرل حکومتوں کو اندازہ ہو گا کہ مطلوبہ افراد کی ڈیمانڈ کتنی ہے
اور بے گھر افراد کی مالی حیثیت کتنی ہے اس کے بعد یہ فیصلہ کیا جائے گا ۔اس حوالے وزیر اعظم عمران خان کی جانب سے 9 اکتوبر کو اعلان متوقع ہے ۔گزشتہ روز وزیراعظم عمران خان کی زیر صدارت ٹاسک فورس برائے ہاؤسنگ کے اجلاس میںلیفٹیننٹ جنرل معظم اعجاز نے اپنے افسران اور جوانوں کے لیے رہائشی ضروریات کو پورا کرنے کے لیے آرمی کے تجربات کے حوالے سے تفصیلی آگاہی دی ہے ۔انہوں نے 50 لاکھ رہائش گاہوں کی فراہمی کے لیے منصوبے پر عملدرآمد کے لیے فوجی تجربہ کے ساتھ خدمات کی فراہمی کی پیشکش بھی کی۔
