اسلام آباد (مانیٹرنگ ڈیسک) معروف صحافی نصرت جاویدنے نجی نیوز چینل کے ایک پروگرام میں گفتگو کرتے ہوئے کہا ہے کہ اسپیکر قومی اسمبلی نے وزیراعظم عمران خان سے ملاقات کی جس میں انہوں نےو فاقی وزیر اطلاعات فواد چوہدری کی شکایت کرتے ہوئے کہا ہے کہ اگر ایوان میں یہی رویہ رکھا گیا تو ایسے حالات میں میں ایوان نہیں چلا سکوں گا ۔ میں ایوان کو اچھے طریقے سے ساتھ لے کر چل رہا ہوں اور نہیں چاہتا کوئی ہنگامہ آرائی ہو جبکہ
اپوزیشن جماعتیں بھی آرام سے آتی ہیں۔ معروف صحافی نصرت جاوید نے مزید کہا ہے کہ وفاقی وزیر اطلاعات فواد چوہدری سے لوگ ناراض ہوتے ہیں کیونکہ ہمیشہ طاقتور لوگوں کو دوسرے طاقتور لوگوں سے خطرہ ہوتا ہے اور فواد چوہدری جو بھی کہہ رہے ہیں وہ وزیراعظم عمران خان کے کہنے پر کرتے ہیں ۔ واضح رہے کہ وفاقی وزیر اطلاعات فواد چوہدری کی تقریر کے بعد اپوزیشن نےاحتجاج کرتے ہوئے واک آؤٹ کیا جس پرفواد چودھری نے معافی مانگ لی تھی۔
