اسلام آباد(مانیٹرنگ ڈیسک) آرمی چیف نے 11 دہشتگردوں کی سزائےموت ، 4کودی گئی مختلف سزائوںکی توثیق کردی،آئی ایس پی آرکے مطابق آرمی چیف نے 11 دہشتگردوں کی سزائےموت ، 4کودی گئی مختلف سزائوںکی توثیق کردی ہے۔ یہ دہشتگردمسلح افواج اورسیکیورٹی اداروں کےاہلکاروں پرحملوں میں ملوث تھے، ان دہشتگردوں کی کارروائیوں میں مجموعی طور پر 69افراد شہید جن

میں سے 49سویلین جبکہ باقی کا تعلق سکیورٹی فورسز اور قانون نافذ کرنیوالے اداروں سے تھا۔ دہشتگردوں کے حملوں میں 140افراد زخمی ہوئے ۔ ان افراد کا خصوصی ٹرائل ملٹری کورٹ میں کیا گیا جہاں سے انہیں سزائیں دی گئیں۔ ان دہشتگردوں کاتعلق کالعدم تنظیموں سے تھا ۔ آئی ایس پی آر کے مطابق جب ان دہشتگردوں کو گرفتار کیا گیا تو ان کے پاس بھاری مقدار میں گولہ و اسلحہ بارود برآمد ہوا تھا۔