اسلام آباد (نیوز ڈیسک) تحریک انصاف کی حکومت آنے کے بعد نیب نے بھی کرپشن مقدمات میں تحقیقات بھی تیز کر دی ہیں، اسی حوالے سے معروف صحافی وجاہت سعید نے ٹوئٹر پر اپنے پیغام میں انکشاف کرتے ہوئے کہا کہ لندن میں مقیم ایک رپورٹر کی دولت میں نواز حکومت کے دوران تیزی سے اضافے کی انٹیلی جنس
اطلاعات ہیں، پاکستان میں متعدد پلاٹس، لندن میں شاہ خرچیاں اور فائیو سٹار ہوٹلوں میں کھانا، سب عمران خان اور پاک فوج مخالف رپورٹنگ کا انعام ہے، مجھے اور میرے دوستوں کو ان کی پاکستان واپسی کا شدت سے انتظار ہے۔ واضح رہے کہ معروف صحافی وجاہت سعید نے اس صحافی کے نام کے متعلق کچھ نہیں بتایا ہے۔
