اسلام آباد(مانیٹرنگ ڈیسک)سابق وزیراعظم نواز شریف احتساب عدالت سے واپسی پر عباس آفریدی کے فارم ہائوس پہنچ گئے، لیگی کارکنان سے ملاقاتیں، سیاسی بیان دینے سے گریز۔ تفصیلات کے مطابق سابق وزیراعظم نواز شریف احتساب عدالت سے واپسی پر عباس آفریدی کے فارم ہائوس پہنچ گئے جہاں انہوں نے لیگی کارکنوں سے ملاقاتیں کیں۔ اس موقع پر اسلام آباد پولیس کی نفری سابق وزیراعظم نواز شریف کی
گاڑی کے اردگرد موجود رہی ہے اور کارکنوں کو دور ہٹاتی رہی۔ نواز شریف کی گاڑی پر کارکنوں نے گل پاشی بھی کی۔ نواز شریف نے لیگی کارکنوں سے ملاقات کے دوران سیاسی بیان دینے سے بھی گریز کیا۔ نجی ٹی وی رپورٹ کے مطابق ذرائع کا کہنا ہے کہ پارٹی رہنمائوں نے نواز شریف کو فی الحال خاموش رہنے کا مشورہ دیا ہے اور نواز شریف نے مشورے کو مانتے ہوئے سیاسی بیان بازی نہ کرنے کا فیصلہ کیا ہے۔
