کراچی(آن لائن) سندھ اسمبلی میں قائد حزب اختلاف فردوس شمیم نقوی سندھ اسمبلی کے نو پارکنگ زون میں زبردستی گاڑی کھڑی کرکے چلے گئے، ٹریفک پولیس اہلکار کے منع کرنے پر اسے اپنا وزٹنگ کارڈ تھما دیا، تفصیلات کے مطابق جمعرات کے روز تحریک انصاف کے رہنما اور سندھ اسمبلی میں
قائد حزب اختلاف فردوس شمیم نقوی اجلاس میں شرکت کیلئے پہنچے تو گاڑی کھڑی کرنے کی جگہ نہ ملنے پر سندھ اسمبلی کے نو پارکنگ زون میں ہی گاڑی کھڑی کر دی، ڈیوٹی پر موجود ٹریفک پولیس اہلکار نے سمجھانے کی بہت کوشش کی مگر انہوں نے ایک نہ سنی اور اہلکار کو اپنا وزٹنگ کارڈ تھما کر چلتے بنے۔
