لندن(مانیٹرنگ ڈیسک) کیا ٹیرن وائٹ عمران خان کی بیٹی ہے؟پاکستان میں معاملہ ایک بار پھر عدالت تک جا پہنچا، برطانوی اخبار نے ٹیرن وائٹ کو عمران خان کی بیٹی قرار دیدیا۔ تفصیلات کے مطابق ٹیرن وائٹ معاملہ ایک بار پھر پاکستانی وزیراعظم عمران خان کیلئے بھیانک خواب کی طرح سامنے آکر کھڑا ہو گیا اور اس حوالے سے حقائق سامنے لانے کیلئے جے آئی ٹی بنانے کی درخواست عدالت
میں دائر کر دی گئی ہے جس میں درخواست گزار نے مؤقف اختیار کیا ہے کہ ٹیرن وائٹ عمران خان کی بیٹی ہے اور عمران خان نے حقائق چھپائے ہیں ، حقائق کو سامنے لانے کیلئے جے آئی ٹی بنائی جائے۔ پاکستان میں تو یہ معاملہ پہلے بھی کئی بار ابھرا اور آندھی کے بعداٹھنے والی گرد کی طرح بیٹھ گیا تاہم اب ایک برطانوی اخبار ڈیلی میل نے دھماکہ کر ڈالا ہے اور اپنی رپورٹ میں ٹیرن وائٹ کو عمران خان کی بیٹی قرار دیا ہے۔ اخبار اپنی رپورٹ میں لکھتا ہے کہ عمران خان نے ٹیرن وائٹ کو اس لئے اپنی بیٹی تسلیم نہیں کیا کیونکہ پاکستان ایک قدامت پسند ملک ہے جہاں شادی کے غیر پیدا ہونیوالے بچوں کو نہ تو عزت کی نگاہ سے دیکھا جاتا ہے اور نہ ہی خاندان میں اسے تسلیم کیا جاتا ہے۔ اخبار مزید لکھتا ہے کہ ٹیرن وائٹ جو کہ اس وقت 26سال کی ہو چکی ہے اور عمران خان کی جمائما خان سے شادی سے تین سال قبل مولود ہوئی اس وقت جمائما کی زیر کفالت ہے، ٹیرن وائٹ کی والدہ سیتا وائٹ کی وفات کے بعد جمائمہ گولڈ اسمتھ نے ٹیرن وائٹ کو گود لے لیا ہے۔ ٹیرن کی والدہ سیتا وائٹ نے اپنی زندگی میں بیٹی کی پیدائش کے بعد ہر ممکن کوشش کی کہ کسی طرح عمران خان اس کی بیٹی کو اپنا لیں تاہم عمران خان کے ٹیرن کو بیٹی ماننے سے انکار پر سیتا وائٹ نے اس حوالے سے عدالت میں مقدمہ بھی دائر کیااور 7سال بعد 2004ءمیں عدالت نے اس مقدمے کا فیصلہ سناتے ہوئے
عمران خان کو ٹیریان کا باپ قرار دے دیا۔ اس مقدمہ کا فیصلہ آنے کے کچھ ہی دنوں بعد سیتا وائٹ کی موت واقع ہوگئی۔ٹیرن نیویارک اور لندن میں رہتی ہے جبکہ لندن میں وہ جمائما خان کیساتھ رہائش پذیر ہوتی ہے۔ عمران خان کی سابقہ اہلیہ جمائما گولڈ اسمتھ اور ان کے بیٹے قاسم اور سلیمان کیساتھ ٹیرن ایک فیملی کی طرح خوش و خرم زندگی گزار رہی ہے اور انہوں نے انسٹا گرام پر اپنا ایک گروپ فوٹو بھی حال ہی میں شیئر کیا ہے جس میں دیکھا جا سکتا ہے کہ وہ میکسیکو میں موجود ہیں۔ اخبار لکھتا ہے کہ عمران خان تو آج بھی ٹیرن کو اپنی بیٹی تسلیم نہیں کرتے تاہم جمائما خان کھلے عام اسے اپنی سوتیلی بیٹی کہتی ہیں۔
