لاہور ( آن لائن) مسلم لیگ ن کے رہنما ڈاکٹر طارق فضل چودھری نے کہا ہے کہ وزیر اعظم ہاؤس میں جو ڈرامہ ہواہے جس کیلئے اخبارات میں آٹھ کروڑ کا اشتہار دیا گیااور 20کروڑ کی گاڑیاں بکیں اور جن گاڑیوں کوبیچنے کیلئے اشتہار دیا گیا تھا ، ان میں سے ایک گاڑی بھی نہیں بکی۔نجی ٹی وی کے پروگرام میں گفتگو کرتے ہوئے ڈاکٹر طارق فضل چودھری نے کہا کہ

جہاں تک پاکستان کی ترقی کا سوال ہے تو ہم حکومت کی ٹانگیں اس لئے نہیں کھینچیں گے تاکہ ملک کا نقصان نہ ہوسکے۔انہوں نے کہا کہ بعض معاملات میں اپوزیشن کوبھی سنجیدہ کردار اداکرنے کی ضرورت ہوتی ہے ، ہمارے اوپر جوالزامات لگائے جاتے رہے وہ جھوٹ تھے کہ ہماری بھارت کے ساتھ ذاتی دوستیاں ہیں۔ ان کا کہنا تھا کہ وزیر اعظم ہاؤس میں جو ڈرامہ ہواہے جس کیلئے اخبارات میں آٹھ کروڑ کا اشتہار دیا گیااور لیکن 20کروڑ کی گاڑیاں بکیں اور جن گاڑیوں کوبیچنے کیلئے اشتہار دیا گیا تھا ، ان میں سے ایک گاڑی بھی نہیں بکی۔ طارق فضل چودھری نے کہاکہ پورے پاکستان میں کوئی ایک بندہ بھی ایسا نہیں جو یہ کہے کہ انڈیا کہ ساتھ جنگ کرنی چاہئے۔ اس لئے ہم نے خطے میں امن کیلئے کوششیں کیں ،شر اور فتنے کیلئے کوششیں نہیں کیں۔ انہوں نے کہا کہ اب اگر تحریک انصاف انڈیا کے ساتھ جنگ کرنا چاہتی ہے تو شوق سے کرے ، گھوڑا بھی حاضر ہے اور اس کا میدان بھی حاضر ہے۔ انہوں نے کہا کہ ان کے بیان بھی دیکھ لیں اور ان کے کام بھی دیکھ لیں ، ایک بات کرتے ہیں اور پھر اس پر یوٹرن لے لیتے ہیں۔