کراچی (آئی این پی)پاکستان پیپلز پارٹی کے رہنما شرجیل میمن نے کہا ہے کہ میں سپریم کورٹ کی جانب سے قائم کردہ ڈیم فنڈ کے لئے صرف دعائیں ہی دے سکتا ہوں ‘پیپلز پارٹی صرف کالا باغ ڈیم کے خلاف ہے‘نئی حکومت نیٹ پریکٹس کررہی ہے،سندھ حکومت نے ہمیشہ روزگارفراہم کیااس باربھی کریگی۔ بدھ کو عدالت میں پیشی کے بعد میڈیا سے گفتگو کرتے ہوئے پیپلز پارٹی کے رہنما شرجیل میمن کا کہنا تھا کہ نئی حکومت نیٹ پریکٹس کررہی ہے،سندھ حکومت نے ہمیشہ روزگارفراہم کیااس بار

بھی کریگی۔ایک صحافی نے شرجیل میمن سے سوال کیا کہ نوازشریف کی سزامعطل ہوگئی،آپ کوبھی کوئی رعایت ملے گی؟جس پر ان کا کہنا تھا کہ نوازشریف کو صرف 2ماہ جیل میں رکھاگیا اورپھرانکی اپیل منظورہوگئی،ہم ہیں کہ ایک سال سے جیل میں قیدہیں۔صحافی نے مزید سوال کیا کہ شرجیل صاحب آپ نے ڈیم فنڈ کے لئے کیا دیا ہے ؟شرجیل میمن بولے میں سپریم کورٹ کی جانب سے قائم کردہ ڈیم فنڈ کے لئے صرف دعائیں ہی دے سکتا ہوں اور پیپلز پارٹی صرف کالا باغ ڈیم کے خلاف ہے۔