لاہور ہائیکورٹ کے تین رکنی بینچ نے سانحہ ماڈل ٹاؤن کیس کا فیصلہ جاری کردیا،نواز شریف، شہباز شریف ، رانا ثنااللہ سمیت دیگر سابق حکومتی شخصیات کیلئے بڑی خوشخبری لاہور(آئی این پی) لاہور ہائیکورٹ کے تین رکنی بینچ نے سانحہ ماڈل ٹان کیس کا فیصلہ سنا دیا‘نواز شریف، شہباز شریف ، رانا ثنااللہ سمیت دیگر سابق حکومتی شخصیات کو سانحہ ماڈل ٹان استغاثہ میں بری الذمہ قرار دے دیا ۔
لاہور ہائیکورٹ کے جسٹس محمد قاسم خان کی سربراہی میں تین رکنی فل بنچ نے نواز شریف، شہباز شریف ، رانا ثنااللہ سمیت دیگر سابق حکومتی شخصیات کو سانحہ ماڈل ٹان استغاثہ کیس میں طلب کیے جانے کی درخواست کو مسترد کرتے ہوئے انہیں بری الذمہ قرار دے دیا۔ عدالت نے سابق آئی جی پنجاب مشتاق سکھیرا کی طلبی کیخلاف درخواست پربھی فیصلہ سنا دیا ،سابق آئی جی مشٹاق سکھیرا نے انسداددہشتگردی کی عدالت کے طلب کرنے کے حکم کو چیلنج کیا تھا،مشتاق سکھیرا نے درخواست میں استدعا کی تھی کہ سانحہ ماڈل سے کوئی تعلق نہیں ہے ،میرا نام استغاثہ سے خارج کیا جائے۔ادارہ منہاج القران کے ڈائریکٹر جواد حامد کی جانب سے موقف اختیار کیاگیا کہ انہوں نے انسداد دہشتگردی عدالت میں زیر سماعت استغاثہ میں نواز شریف، شہباز شریف، حمزہ شہباز، رانا ثنا اللہ، خواجہ آصف،سعد رفیق، پرویز رشید، عابدہ شیر علی اورد چودھری نثار کے نام شامل کیے۔جو اے ٹی سی نے خارج کردیئے۔ درخواست میں استدعا کی گئی تھی کہ نواز شریف اور شہباز شریف سمیت دیگر کینام استغاثہ میں شامل کیے جائیں اور انسداد دہشتگردی عدالت کے فیصلے کو کالعدم قرار دیا جائے۔
