اسلام آباد(مانیٹرنگ ڈیسک)نواز شریف نے وزیراعظم ہائوس میں بھینسیں رکھیں، عمران خان کتوں کے شوقین مگر آصف زرداری نے اپنی اہلیہ شہید بینظیر بھٹو کی وزارت عظمیٰ کے دور میں وزیراعظم ہائوس میں گھوڑوں کیساتھ کونسے جانور پال رکھتے تھے، سینئر صحافی عارف نظامی کا حیران کن انکشاف۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی عارف نظامی نے تحریک انصاف کی حکومت پر گاڑیوں ، بھینسوں کی نیلامی کے حوالے سے شدید تنقید کی ۔ عارف نظامی نے انکشاف
کرتے ہوئے کہا کہ نواز شریف نے وزیراعظم ہائوس میں بھینسیں رکھی ہیں وہ تازہ دودھ کے شوقین تھے ، عمران خان نے کتے پال رکھے ہیں کیونکہ وہ کتوں کے شوقین ہیں اور آصف زرداری مجھے جب انکی اہلیہ شہید بینظیر بھٹو وزیراعظم تھیں تو وزیراعظم ہائوس کی سیر کروانے کیلئے لے گئے انہوں نے وہاں گھوڑوں کے ساتھ اونٹ بھی رکھے ہوئے تھے میں نے ان سے سوال کیا کہ یہ اونٹ کس لئے رکھے ہیں تو ان کا کہنا تھا کہ اونٹنیوں کے دودھ کیلئے ، میں اونٹنی کا دودھ پیتا ہوں جبکہ وہاں میں نے بکریاں بھی دیکھیں۔
