گجرات(اے این این )رہنما مسلم لیگ ق اور سپیکر پنجاب اسمبلی چودھری پرویز الٰہی نے کہا ہے کہ پاکستان ایک ذمہ دارایٹمی ملک ہے، مودی یادرکھے اب یہاں وزیراعظم عمران خان ہیں،اس کادوست جاچکا اور ملکی حفاظت کیلئے سب متحدہوکربھارت کیخلاف لڑیں گے۔گجرات میں ظہور الٰہی کی برسی کی تقریب سے خطاب کرتے ہوئے رہنما مسلم لیگ ق اور سپیکر پنجاب اسمبلی چودھری پرویز الٰہی کا کہنا تھا کہ مودی نے پاکستان کودھمکی دے کرغلطی کی،ہماری نیت نیک ہے، ہم نے کبھی کسی

کو نہیں چھوڑا۔مودی کے اپنے گھر کے مسائل ہیں، اس کے ہاتھ سے کشمیرنکل رہا ہے، مودی کوجہازخریدنے کے سکینڈل کابھی سامنا ہے اورمودی یادرکھے اب یہاں وزیراعظم عمران خان ہیں،اس کادوست جاچکا۔ان کا مزید کہنا تھا کہ پاکستان ایک ذمہ دارایٹمی ملک ہے اورہماری فوج دنیا کی بہترین افواج میں سے ایک ہے ہماری ساری قوم ایک پیج پر ہے جبکہ سول اورعسکری قیادت بھی متحد ہے ہم ملکی حفاظت کیلئے ایک ہوکربھارت کیخلاف لڑیں گے اور پاکستان مسلم امہ کی آواز بنے گا۔