اسلام آباد (مانیٹرنگ ڈیسک) نامور کالم نگار منیر احمد بلوچ اپنے ایک کالم میں لکھتے ہیں کہ بھارت کے آرمی چیف جنرل بپن راوت نے پاکستان کو کھلی دھمکی دیتے ہوئے کہا ہے کہ پاکستانی فوج نے بھارتی سکیورٹی فورسز کے جوان کا جو سر کاٹا ہے‘ اس کا بدلہ لیتے ہوئے ہم پاکستان کو جلد ہی اسی قسم کا ”جواب‘‘ دیں گے۔منیر احمد بلوچ مزید لکھتے ہیں
کہ بھار تی آرمی چیف کی دی جانے والی اس دھمکی کے فوراً بعد بھارت کے ٹی وی چینلز نے پاکستان کے وزیر اعظم عمران خان اورآرمی چیف کے خلاف زہر اُگلنا شروع کر دیا۔ دوسری جانب پاکستان میں میاںنواز شریف کا پروردہ الیکٹرونک اور سوشل میڈیا کھل کر مودی کی مدد کو پہنچ چکا ہے ؛اگر کسی کو شک ہے ‘تو وہ سوشل میڈیا کو دیکھ سکتا ہے۔
