اسلام آباد(مانیٹرنگ ڈیسک)پٹرول کی قیمت 120سے 125روپےتک جانے کا امکان، بجلی کی قیمتیں مزید بڑھیں گی، پیپلزپارٹی رہنما نبیل گبول نے ایسا انکشاف کر دیا کہ آپ کے پیروںتلے سے زمین ہی نکل جائیگی۔ تفصیلات کے مطابق نجی ٹی وی پروگرام میں گفتگو کرتے ہوئے پیپلزپارٹی رہنما نبیل گبول کا کہنا تھا کہ تحریک انصاف کی حکومت آنے کے بعد کہا گیا کہ 100روز گزرنے کے بعد حکومت پر تنقید کی جائے مگر انہوں نے ابھی 50روز بھی نہیں گزرے کہ یہ حال کر دیا کہ مجبوراََ بات کرنی پڑ رہی ہے۔

نبیل گبول نے وفاقی وزیر اطلاعات فواد چوہدری پر تنقید کرتے ہوئے کہا کہ وزیر اطلاعات اتنے بے خبر تھے کہ انہیں گیس کی قیمتوں میں اضافے کا پتہ ہی نہیں تھا اور دو روز بعد وفاقی وزیر پیٹرولیم نے گیس کی قیمتوں میں 143فیصد تک ہوشربا اضافہ کر دیا۔ انہوں نے مزید کہا کہ ابھی تو اطلاعات ہیں کہ پٹرول کی قیمت 120سے 125روپے تک جانے کا امکان ہے جبکہ بجلی کی قیمتیں بھی مزید بڑھیں گی۔ انہوں نے کہا کہ لوگ سوچنے پر مجبور ہو گئے ہیں کہ یہ تبدیلی ہے یا ملک الموت کی حکومت ہم پر آگئی ہے۔