لاہور (این این آئی) عوام کا سونامی گورنر ہاؤس کی جھیل کے پل پر بھاری پڑ گیا، بڑی تعداد میں ایک ہی وقت میں عوام کے پل پر آ جانے سے پل ٹوٹ گیا تاہم عوام کسی بڑے حادثے سے محفوظ رہے۔لوگوں کی بڑی تعداد پل پر آئی تو وہ سونامی کا بوجھ برداشت نہ کر سکا، جھیل زیادہ گہری نہ ہونے اور پل کی بلندی
کم ہونے کے باعث عوام کسی بڑے حادثے سے محفوظ رہے۔گورنر ہاؤ س انتظامیہ فوری حرکت میں آئی اور جھیل میں گرنے والے افراد اور پل کے دوسری جانب پھنسے افراد کو فوری نکال لیا گیا۔ گورنر پنجاب نے واقعے کا فوری نوٹس لیتے ہوئے انتظامیہ اور عملے کو چوکس رہنے کی ہدایت کر دی ہے۔
