اسلام آباد(آن لائن) چیف جسٹس کی سربراہی میں سپریم کورٹ کا تین رکنی بنچ وزیر اعظم عمران خان کی نااہلی کی درخواست کی سماعت آج پیر کو کرے گا ۔ ۔ بنچ کی سربراہی چیف جسٹس میاں ثاقب نثار کریں گے جبکہ دیگر اراکین میں جسٹس عمر عطا بندیال اور جسٹس اعجاز الاحسن شامل ہیں۔

مسلم لیگ(ن) کے راہنما بیرسٹر دانیال چودھری نے 2017 میں عمران کو اخلاقی جرائم پر نااہل قرار دینے کے لئے سپریم کورٹ سے رجوع کیا تھا انہوں نے درخواست میں موقف اپنایا کہ عمران خان نے کاغذات نامزدگی میں حقائق چھپانے وہ آرٹیکل 62، 63 کے تحت رکن اسمبلی رہنے کے اہل نہیں ۔ عدالت سے استدعا ہے کہ عمران خان کو نااہل قرار دیا جائے ۔