اسلام آباد (نیوز ڈیسک) بھارتی آرمی چیف کی جانب پاکستان کو دی گئی گیدڑ بھبکیوں پر ردعمل دیتے ہوئے وفاقی وزیر ریلوے شیخ رشید نے کہا کہ ہم پر بری نظر پڑی تو بھارت میں نہ گھاس اگے گی نہ چڑیا چہچہائے گی۔ عوامی مسلم لیگ کے رہنما اور وفاقی وزیر ریلوے نے کہا کہ بھارت نے جنگ کا سوچا بھی تو اسے نیست و نابود کر دیں گے، شیخ رشید نے
کہا کہ منتخب حکومت پاکستان کی سالمیت اور اس کے چپے چپے کا دفاع کرنا جانتی ہے، انہوں نے مزید کہاکہ ہم پر بری نظر پڑی تو بھارت میں نہ گھاس اگے گی نہ چڑیا دانا چگے گی، ہم ملک پر بری نظر ڈالنے والی آنکھیں نکال دیں گے، وفاقی وزیر ریلوے شیخ رشید احمد نے کہا کہ پاکستان کا دفاع کتنا مضبوط ہے اس بات کا بھارت کو اندازہ ہی نہیں ہے۔
