لاہور (نیوز ڈیسک) برطانیہ کے معروف اخبار گارڈین نے اپنی ایک رپورٹ میں کہا ہے کہ وزیراعظم عمران خان نے کراچی کی ایک تقریب میں افغان مہاجرین جو پاکستان میں پیدا ہوئے انہیں پاکستانی شہریت دینے کا اعلان کیا لیکن دوسرے ہی دن شدید ردعمل کی وجہ سے انہوں نے اپنا فیصلہ واپس لیتے ہوئے کہا کہ ابھی اس بارے میں کوئی حتمی فیصلہ نہیں ہوا ہے۔

برطانوی اخبار نے تحریک انصاف کی حکومت کو تنقید کا نشانہ بناتے ہوئے کہا کہ پاکستانی حکومت نے اپنے تیس دن کی کارکردگی کو فیصلوں کی تبدیلی، پنیر پر پابندی اور چندہ جمع کرنے سے عبارت قرار دیا۔ برطانوی اخبار  گارڈین کی رپورٹ کے مطابق کفایت شعاری کی مہم شروع ہوئی تو وفاقی وزیر اطلاعات فواد چوہدری نے کہا کہ ہیلی کاپٹر کا فی کلومیٹر خرچا صرف 50 روپے ہے۔ رپورٹ میں نئے پاکستان کو مذاق بناتے ہوئے کہا گیا کہ معیشت کی بہتری پر غورو خوض کیا گیا تو بات پنیر کی درآمد پر پابندی پر آ کر رکی، رپورٹ میں کہا گیا کہ وزیراعظم عمران خان نے کئی معاملات کا اعلان کیا لیکن بعد میں ان اعلانات کو واپس لینے کا فیصلہ سنایا، اس رپورٹ میں کہا گیا کہ آئی ایم ایف سے لیے گئے بھاری قرضوں کے بوجھ سے بچنے کے لیے وزیراعظم عمران خان نے بھاری ٹیکس عائد کیے ہیں، رپورٹ میں وزیراعظم عمران خان کی جانب سے بھاشا ڈیم کی تعمیر کے حوالے سے کوششوں کے بارے میں کہا گیا کہ وہ ڈیم کی تعمیر کے لیے کوشش کر رہے ہیں۔   برطانیہ کے معروف اخبار  گارڈین نے اپنی ایک رپورٹ میں کہا ہے کہ وزیراعظم عمران خان نے کراچی کی ایک تقریب میں افغان مہاجرین جو پاکستان میں پیدا ہوئے انہیں پاکستانی شہریت دینے کا اعلان کیا لیکن دوسرے ہی دن شدید ردعمل کی وجہ سے انہوں نے اپنا فیصلہ واپس لیتے ہوئے کہا کہ ابھی اس بارے میں کوئی حتمی فیصلہ نہیں ہوا ہے۔