اسلام آباد (نیوز ڈیسک) معروف ٹی وی اینکر پرسن عائشہ بخش نے معروف چینل جیو نیوز کو چھوڑ دیا ہے لیکن ابھی تک عائشہ بخش کی جانب سے اس بات کی تردید یا تصدیق سامنے نہیں آئی ہے۔ سماجی رابطے کی ویب سائٹ ٹوئٹر پر جی این این چینل کی اینکر پرسن مریم اسماعیل نے ایک تصویر شیئر کی ہے جس میں عائشہ بخش ان کے ساتھ کھڑی ہیں،
مریم اسماعیل نے اپنے پیغام میں عائشہ بخش کو جی این این میں خوش آمدید کہا۔ واضح رہے کہ معروف صحافی حامد میر کے جیو نیوز سے جی این این چینل میں جانے کے بعد بہت سے جیو نیوز کے ممبران نے جیو نیوز کو خیر باد کہتے ہوئے جی این این گروپ جوائن کیا ہے۔ اب معروف اینکر پرسن عائشہ بخش بھی اس گروپ کا حصہ بن گئی ہیں۔
