اسلام آباد (سی پی پی ) حکومت نے وزارت کیڈ ختم کرنے کا نوٹیفکیشن جاری کر دیا۔سی ڈی اے کووزارت داخلہ کے ماتحت،سوشل ویلفیئرکے اداروں اورفیڈرل ڈائریکٹوریٹ آف ایجوکیشن کووزارت تعلیم کے ماتحت کر دیا گیا۔میڈیا رپورٹس کے مطابق وفاقی حکومت نے وزارت کیڈ ختم کرنے کا اعلان کیا تھا۔جس کا باقاعدہ نوٹیفیکشن جاری کر دیا گیا ہے۔وزارت کیڈ کے تمام اداروں کودوسرے اداروں میں تقسیم کانوٹیفکیشن جاری
کر دیا گیا ہے۔کابینہ ڈویڑن نے تقسیم کرنے کا باضابطہ نوٹیفکیشن جاری کیا ہے۔۔اسلام آباد کلب کابینہ ڈویژن کے ماتحت کام کرے گا۔نوٹیفیکشن کے مطابق اسلام آباد وائلڈ لائف مینجمنٹ بورڈموسمیاتی تبدیلی کے ماتحت کام کرے گا،جب کہ سوشل ویلفیئرکے ادارے وزارت تعلیم و تربیت کے ماتحت کام کریں گے۔سی ڈی اے کووزارت داخلہ کے ماتحت کر دیا گیا ہے۔فیڈرل ڈائریکٹوریٹ آف ایجوکیشن کوبھی وزارت تعلیم کے ماتحت کر دیا گیا۔
