اسلام آباد(مانیٹرنگ ڈیسک)یہ ٹرائل صرف انتقال پر مبنی تھا، نواز شریف کو دھاندلی کے ذریعے صرف انتخابات سے باہر رکھا گیا، نواز شریف کے خلاف فیصلے دیکر عمران خان کی راہ ہموار کرنا تھا،اسلام آباد ہائیکورٹ کا فیصلہ نان پی سی او انصاف کی ایک جھلک ہے، احسن اقبال۔ تفصیلات کے مطابق مسلم لیگ ن کے رہنما احسن اقبال نے نواز شریف، مریم نواز اور کیپٹن صفدر کی سزائوں کو معطل کئے جانے کے
فیصلے پر اپنے ردعمل میں کہا ہے کہ نواز شریف کا ٹرائل صرف انتقام پر مبنی تھا۔ نواز شریف کو دھاندلی کے ذریعے صرف انتخابات سے باہر کرنا تھا ،فیصلے کا مقصد عمران خان کی راہ ہموار کرنا تھا۔ انہوں نے کہا کہ نواز شریف ، مریم نواز اور کیپٹن صفدر کی سزامعطلی کا اسلام آباد ہائیکورٹ کا فیصلہ نان پی سی او انصاف کی ایک جھلک ہے۔ انہوں نے کہا کہ نواز شریف کو کارکنوں کی دعائوں کی وجہ سے رہائی ملی۔
