اسلام آباد (این این آئی) وزیر مملکت برائے داخلہ شہریار آفریدی نے تجارتی مراکز کی طرف سے کی گئی غیر قانونی تعمیرات کو 24 گھنٹے کے اندر ازخود گرانے کی ہدایت کرتے ہوئے کہا ہے کہ اگر تعمیرات خود ختم نہ کی گئیں تو مسمار کر دی جائینگی۔جمعرات کو وزارت داخلہ کی جانب سے جاری بیان کے مطابق وزیر مملکت برائے داخلہ شہریار آفریدی نے تجارتی مراکز کی طرف سے کی گئی

غیر قانونی تعمیرات کا معائنہ کیا ۔اس موقع پر ڈپٹی کمشنر اسلام آباد بھی وزیر مملکت کے ہمراہ تھے۔ وزیر مملکت نے غیر قانونی تعمیرات کرنے والوں کو خبردار کرتے ہوئے کہا کہ 24گھنٹوں کے اندر غیر قانونی تعمیرات از خود گرا دی جائیں، اگر تعمیرات ختم نہ ہوئیں تو عمارات مسمار کر دی جائیں گی۔ وزیرمملکت نے سینٹورس مال انتظامیہ کو24 گھنٹے میں سائٹ آفس ختم کرنے کی وارننگ دی۔