اسلام آباد(مانیٹرنگ ڈیسک)نواز شریف کی طبیعت ناساز، تعزیت کیلئے آنیوالے ملنے والوں سے ملاقات سے قاصر، ملاقاتوں کا سلسلہ وقتی طور پر روک دیا گیا، خاندانی ذرائع۔ تفصیلات کے مطابق نجی ٹی وی رپورٹ کے مطابق نواز شریف کی طبیعت اچانک ناساز ہو گئی ہے اور انہوں نے فوری طور پر اپنی اہلیہ بیگم کلثوم نواز کی
وفات پر تعزیت کا اظہار کرنے کیلئے آنیوالوں سے ملاقاتوں کا سلسلہ روک دیا ہے۔ نواز شریف کو فوری طور پر ان کے کمرے میں منتقل کر دیا گیا ہے جہاں اس وقت خاندان کے چند انتہائی قریبی افراد کے ساتھ وہ کمرے میں موجود ہیں ، نجی ٹی وی نے خاندانی ذرائع کے حوالے سے نواز شریف کی طبیعت ناساز ہونے کی خبر دی ہے۔
