اسلام آباد (مانیٹرنگ ڈیسک)کلثوم نواز اکثر نواز شریف اور مریم نواز سے متعلق پوچھتیں، وفات سے قبل آخری بار انہوں نے اپنے شوہر نواز شریف اور بیٹی مریم نواز کے بارے میں پوچھا تھا، دونوں کے ساتھ نہ ہونے کی وجہ سے بھی ان کی طبیعت زیادہ بگڑی، حسین نواز ۔ تفصیلات کے مطابق نجی ٹی وی رپورٹ کے مطابق حسین نواز کا کہنا ہے کہ جب سے ان کو ہوش آئی تھی اور اشاروں سے بات کرنے کے قابل ہوئی تھیں، وہ اکثر مریم نواز اور نواز شریف کے بارے میں
پوچھتی تھیں اور کافی فکرمند تھیں، گزشتہ روز بھی جب ان سے ملاقات ہوئی تو انہوں نے نواز شریف اور مریم نواز شریف کے بارے میں پوچھا تھا۔حسین نواز نے مزید کہا کہ انہیں اس بات کا بھی صدمہ تھا کہ ان کے شوہر نواز شریف اور بیٹی مریم نواز ان کیساتھ نہیں ہیں اور انہیں یہ بھی نہیں بتایا گیا تھا کہ وہ دونوں جیل میں ہیں جبکہ جیل میں ہونے کے بعد دونوں کی ان کیساتھ زیادہ بات چیت بھی نہیں ہوتی تھی اور یہ صدمہ ان کی طبیعت زیادہ خراب ہونے کی وجہ بھی بنا۔
