اسلام آباد(آئی این پی )وفاقی وزیر اطلاعات ونشریات فواد چوہدری نے کہا ہے کہ نوازشریف اور مریم نواز کو قانون کے مطابق72گھنٹے کیلئے عارضی رہائی مل سکتی ہے ، قانون کے مطابق جو سہولیات انکو دی جا سکتی ہیں وہ ضرور فراہم کریں گے ، وزیراعظم عمران خان نے لندن ہائی کمیشن کو مکمل وضاحت کی ہدایت کی ہے ۔ منگل کو فوادچوہدری نے سرکاری ٹی وی سے گفتگو کرتے ہوئے کہا کہ

بیگم کلثوم نواز ایک بہادر خاتون تھیں ، بیگم کلثوم نواز کی وفات پر دکھ اور افسوس ہوا،وزیراعظم نے لندن ہائی کمیشن کو مکمل معاونت کی ہدایت کی ہے ، نوازشریف اور مریم نواز کی عارضی رہائی کی درخواست پر قانون کے مطابق کارروائی ہوگی ۔انہوں نے کہا کہ قانون کے مطابق 72گھنٹے کیلئے عارضی رہائی مل سکتی ہے ، قانون کے مطابق جو سہولیات دی جا سکتی ہے وہ ضرور دیں گے ۔ (ن م)