کراچی (نیوز ڈیسک) وزیراعظم پاکستان عمران خان کی جانب سے ڈیم فنڈ کیلئے اپیل کے بعد زبردست ردعمل دیکھنے میں آ رہا ہے، ڈیمز فنڈ کے لیے گورمے کے ڈائریکٹرز نے پانچ کروڑ روپے عطیہ کرنے کا اعلان کر دیا ہے، عمران خان نے اپنے مختصر خطاب میں قوم سے اپیل کی تھی کہ ڈیمز اگر نہ بنائے گئے تو 2025ء میں ہمیں خشک سالی
کا سامنا کرنا پڑے گا اس لیے ڈیمز ناگزیر ہیں۔ انہوں نے اپنی اپیل میں خصوصی طور پر اووسیز پاکستانیز پر زور دیا تھا کہ وہ اس میں بڑھ چڑھ کر حصہ لیں، ایسے میں گورمے نیوز نیٹ ورک کے ڈائریکٹرز بھی پیچھے نہ رہے، گورمے کے ڈائریکٹرز ذوالقرنین نواز چھٹہ اور زبیر نواز چٹھہ نے ڈیم فنڈ کے لیے 5 کروڑ روپے جمع کروا دیے۔
