اسلام آباد(مانیٹرنگ ڈیسک)وزیراعلیٰ پنجاب عثمان بزدار کا دورہ راولپنڈی کچہری، سائلین کودفتر کے باہر بٹھانے پر ڈی سی راولپنڈی کی سرزنش ۔ تفصیلات کے مطابق وزیراعلیٰ پنجاب عثمان بزدار نے آج صبح سویرے راولپنڈی کچہری کا دورہ کیا ہے جہاں انہوں نے سائلین کی شکایات سنیں جبکہ دفتر کے باہر سائلین کو بٹھانے پر ڈی سی راولپنڈی کی سرزنش بھی کی ۔ واضح رہے کہ وزیراعلیٰ پنجاب عثمان بزدار نے
اس سے قبل صوبے سے چٹ سسٹم ختم کرنے کا اعلان کرتے ہوئے کہا تھا کہ سائلین کسی بھی کام کے سلسلے میں سرکاری افسر کے آفس کا دروازہ کھول کر داخل ہو جائیں، پہلے سے اجازت لینا ضروری نہیں ۔ جبکہ گزشتہ روز وزیراعلیٰ پنجاب نے وی آئی پی موومنٹ کے دوران ایمبولینس کی نقل و حرکت کو یقینی بنانے کیلئے وی آئی پی موومنٹ فوری طور پر ختم کر کے ایمبولینس کو راستہ دینے کے احکامات جاری کئے تھے۔
