لاہور(آئی این پی ) ریسکیوحکام نے ایم ایم عالم روڈ پلازے میں آتشزدگی کے واقعہ کی ابتدائی رپورٹ تیار کر تے ہوئے کہا ہے کہ پلازے میں کوئی اہم سرکاری دفترنہیں ، آگ فلورپرموجود تاروں میں لگی ،اسکے باعث تیسری منزل کے 3 کمرے متاثر ہوئے ۔ریسکیوحکام کی جانب سے جاری کردہ رپورٹ کے مطابق ایم ایم عالم روڈپلازے میں آتشزدگی کے واقعہ میں 43 افرادکوپلازہ سے بحفاظت نکالاگیا

جبکہ گھٹن سے متاثر 7 افرادکوہسپتال منتقل کیاگیااور واقعہ میں ا یک شخص پلازہ سے چھلانگ لگانے کے باعث جاں بحق ہوا۔ پلازہ میں واٹرہائیڈرنٹ اورہنگامی خارجی راستے موجود ہیں جبکہ آگ فلورپرموجود تاروں میں لگی ،جس کے باعث تیسری منزل کے 3 کمرے متاثر ہوئے ۔رپورٹ میں مزید کہا گیا کہ پلازے میں کوئی اہم سرکاری دفترنہیں ہے اور تحقیقات جاری ہیں کہ آگ لگی یا لگائی گئی ہے؟