سکھر(مانیٹرنگ ڈیسک) سکھر میں مشن روڈ پر بیوٹی پارلر میں خواتین کے ساتھ گندا کھیل جاری، واش رومز میں خواتین کی ویڈیو بنانے کا انکشاف، ایک نجی ٹی وی چینل کی رپورٹ کے مطابق سکھر میں مشن روڈ پر ایک بیوٹی پارلر کے واش رومز میں ویڈیو کیمرے لگائے گئے ہیں اور پارلر کا مالک کافی عرصہ سے خواتین کی ویڈیو بنا کر انہیں بلیک میل کر رہا ہے، سکھر پولیس سے بلیک میل کرنے والے مالک کے خلاف فوری کارروائی کا مطالبہ کیا گیا ہے۔ نجی ٹی وی چینل نے
ذرائع سے ویڈیو بھی حاصل کر لی ہے۔ نجی ٹی وی چینل پر خبر نشر ہونے کے بعد سی آئی اے اور پولیس کی بھاری نفری نے بیوٹی پارلر پر چھاپہ مارا، چھاپے کے دوران شراب کی بوتلیں اور دیگر سامان برآمد کر لیا، پولیس نے بیوٹی پارلر کے مالک کامران کو بھی گرفتار کر لیا ہے، اس کے علاوہ بیوٹی پارلر اور کاسمیٹکس کی دکانیں بھی سیل کر دی ہیں، انکشاف ہوا ہے کہ ویڈیو بنانے کے بعد مالک ان خواتین کو رات کو بیوٹی پارلر میں بلاتا تھا اور ان سے زیادتی کرتا تھا۔
