لاہور( این این آئی )واپڈا کے چیئرمین لیفٹیننٹ جنرل (ر)مزمل حسین نے کہا ہے کہ پانی کی قلت ملک کا بنیادی مسئلہ ہے اور موجودہ حکومت اسے حل کرنے کی صلاحیت رکھتی ہے۔ایک نجی ٹی وی سے گفتگو کرتے ہوئے انہوں نے کہا کہ
حکومت نئے ڈیموں کی تعمیر کیلئے سنجیدہ ہے اور وزیراعظم اور چیف جسٹس اس سلسلے میں گہری دلچسپی لے رہے ہیں۔واپڈا کے چیئرمین نے کہا کہ اگر مطلوبہ فنڈز دستیاب ہوئے تو دیامیر بھاشاڈیم پر کام اگلے سال کے وسط میں شروع ہوسکتا ہے۔