لاہور (این این آئی) پاکستان تحریک انصاف لاہور کے صدر اور این اے 131سے امیدوار ولید اقبال نے کہا ہے کہ تحریک انصاف نے ضمنی انتخاب کیلئے این اے 131کا ٹکٹ ابھی کسی کو نہیں دیا، چہ مگوئیاں اور قیاس آرائیوں سے گریز کیا جائے۔ انہوں نے وضاحت کی کہ وزیراعظم عمران خان کے
حکم پر وہ ضمنی انتخاب کیلئے اپنی ڈور ٹو ڈور مہم چلارہے ہیں اورپارٹی کی طرف سے انہیں اس معاملے پر روکا گیا نہ ہی کسی اور کوٹکٹ دینے کا اعلان کیاگیا۔ ولید اقبال نے کہا کہ وزیراعظم عمران خان جب بلائیں گے میں ضرور جاؤں گا لیکن اس معاملے پر قیاس آرائیوں سے گریز کیا جائے۔
