کلکتہ (این این آئی)پاکستان میں بھارت کے ہائی کمشنر اجے بساریہ نے کہاہے کہ نئی پاکستانی حکومت نے سیاسی کھڑکی کھولی ہے اور بھارت کا رویہ بہت محتاط ہے، بھارت نے محتاط توقعات وابستہ کر رکھی ہیں۔بھارتی ٹی وی کے مطابق کولکتہ میں لیکچر دیتے ہوئے اجے بساریہ نے کہا کہ بھارتی حکومت کو امید ہے بین الاقوامی سرحدوں پر سیز فائر برقرار رہے گی
جو دو طرفہ بات چیت شروع کرنے کے لیے ضروری ہے۔انہوں نے بتایا کہ نریندر مودی اور عمران خان نے فون پر بات کی جو بہت مثبت رہی ، بھارتی ہائی کمشنر کا کہنا تھا کہ پاکستان میں قید تمام بھارتی قیدیوں کی انسانی بنیادوں پر رہائی اور واپسی کے لیے کوششیں کی جارہی ہیں ۔انہوں نے کہا کہ ایک اور اہم نکتہ جو تعلقات میں کلیدی کردار ادا کرسکتا ہے وہ دو طرفہ تجارت کا فروغ ہے۔
