اسلام آباد (مانیٹرنگ ڈیسک) سندھ کے گورنر اور تحریک انصاف کے رہنما عمران اسماعیل کی کشمیر کے صدر مسعود خان سے ملاقات ہوئی، اس ملاقات کے موقع پر گورنر سندھ عمران اسماعیل ٹانگ پر ٹانگ رکھے بیٹھے ہیں، ان کا ملنے اور بیٹھے کا یہ انداز پسند نہیں کیا جا رہا اور سوشل میڈیا پر توہین آمیز سلوک قرار دیا جا رہا ہے، تحریک انصاف کے رہنما اور گورنر سندھ عمران اسماعیل کو شدید تنقید کا نشانہ بنایا جا رہا ہے، سماجی رابطے کی ویب سائٹ ٹوئٹر پر ایک صارف

نے ان کی ملاقات کی ویڈیو شیئر کی اور ساتھ لکھا کہ کسی بھی ملک یا ریاست کے صدر مملکت سے کوئی گورنر اس انداز میں ملاقات نہیں کرتا۔۔ عمران اسماعیل صاحب تھوڑا چھوٹے بڑے کا خیال رکھیں۔ ایک صارف نے لکھا کہ جب انسان کو اس کی اوقات سے زیادہ مل جائے تو ایسا ہی ہوتا ہے، ایک اور صارف داؤد بن امین لکھتے ہیں کہ انٹر پاس اوپر سے پی ٹی آیء سے سیاسی تعلق، اتنی جہالت تو اس بے چارے کا حق بنتا ہے۔ اس طرح سوشل میڈیا پر ان پر تنقید کاسلسلہ جاری ہے۔