لاہور( این این آئی)پنجاب پولیس کی یونیفارم ایک مرتبہ پھر تبدیل کئے جانے کا امکان ہے ، آئی جی پنجاب نے لاجسٹک برانچ کو مختلف رنگوں اور ڈیزائن کے چار نمونے پیش کرنے کی ہدایت کر دی ۔ تفصیلات کے مطابق سابق آئی جی پنجاب مشتاق سکھیرا نے پنجاب پولیس کی خاکی پینٹ اور سیاہ شرٹ پر مشتمل یونیفارم اولیو گرین سے تبدیل کر دی تھی جس پر ایک خطیر رقم خرچ ہوئی تھی۔
بتایا گیا ہے کہ وردی کی تبدیلی کے حوالے سے تجاویز سامنے آنے پر ایک کمیٹی بنا کر سروے کرایا گیا ہے جس میں اکثریتی رائے نے تبدیلی کا مشورہ دیا ۔ آئی جی پنجاب سید کلیم امام نے لاجسٹک برانچ کو ہدایت کی ہے کہ نئے وردی کیلئے مختلف رنگ اور ڈیزائن کے چار نمونے پیش کئے جائیں جنہیں دیکھنے کے بعد مشاورت کر کے یونیفارم کی تبدیلی بارے فیصلہ کیا جائے گا۔
