اسلام آباد (مانیٹرنگ ڈیسک)پاکستان کے مشہور کنوارے اور عوامی مسلم لیگ کے سربراہ وفاقی وزیر ریلوے شیخ رشید کسی تعارف کے محتاج نہیں، پاکستان کی سیاست میں ہمیشہ سرگرم رہنے والے شیخ رشید تاحال غیر شادی شدہ ہیں اور ان سے اکثر صحافیوں نے انٹرویو کے دوران اس حوالے سے سوالات بھی کئے تاہم وہ ان سوالات کو گول کر جاتے ہیں ۔ شیخ رشید 67برس کے ہو چکے ہیں اور اب ایک معروف

ماہر علم نجوم نے شیخ رشید کی شادی کی پیش گوئی کر کے سب کو حیران کر دیا ہے۔ قومی اخبار کی رپورٹ کے مطابق معروف پامسٹ شوکت نے پیش گوئی کی ہے کہ شیخ رشید 2019ء کے وسط یا آخر پر اپنی ایک دیرینہ دوست سے شادی کر لیں گے۔شادی کسی بھی طرح خفیہ نہیں ہو گی۔پامسٹ نے شیخ رشید کی ممکنہ دلہن کا نام نہیں بتایا تاہم یہ بھی کہا ہہ ان کا تعلق راولپنڈی یا اسلام آباد سے نہیں ہے۔