اسلام آباد(سی پی پی)اسلام آباد کلب کی رکنیت کے لیے بھارتی سفارتکاروں کی درخواستوں پر پاکستان کا جلد این او سی جاری کرنے کا امکان ہے۔میڈیا رپورٹس کے مطابق پاکستانی حکومت، پاکستان کے دفتر خارجہ میں گزشتہ9ماہ سے زیر التوا اسلام آباد کلب کی رکنیت کے لیے بھارتی سفارتکاروں کی درخواستوں پر جلد این او سی جاری کردیا جائیگا۔میڈیا رپورٹس کے مطابق ان درخواستوں میں بھارتی ہائی کمشنر

اجے بساریہ کی درخواست بھی شامل ہے۔اسلام آباد کلب کی رکنیت پاکستان میں تعینات غیر ملکی سفارتکاروں کے لیے اہم حیثیت رکھتی ہے۔بھارتی میڈیا کا کہنا ہے کہ پاکستان میں نئی حکومت کے قیام کے بعد پاک بھارت سفارتی تعلقات پر جمی برف پگھلنے کی امید روشن ہوگئی ہے۔پاکستان نے بھارتی سفارتکاروں کی رکنیت کے عوض بھارت سے دہلی کلب میں پاکستانی سفارتکاروں کے لیے یکساں سہولیات کا مطالبہ کیا تھا۔