اسلام آباد(آن لائن)پیپلزپارٹی کے سینٹر اعتزاز احسن نے کہا ہے کہ تحریک انصاف کے عارف علوی بنیادی طور پر ملک کے 13ویں نہیں 9ویں صدر ہونگے کیونکہ 4 مارشلائی صدر کو پیپلزپارٹی تسلیم نہیں کرتی ہے منگل کے روز صدارتی الیکشن کے موقع پر اعتزازاحسن نے صحافیوں سے گفتگو کرتے ہوئے کہا کہ 2018 کا صدر جمہوری عمل کے تحت منتخب ہوا اور یہ جمہوری مرحلہ صاف و شفاف طریقے سے ساری جماعتوں کے سامنے ہوا انہوں نے کہا کہ عارف علوی بنیادی
طور پر ملک کے 13ویں صدر نہیں بلکہ 9ویں ہونگے کیونکہ پیپلزپارٹی 4مارشلائی صدر کو بطور صدر تسلیم ہی نہیں کرتی ہے دوسری جانب تحریک انصاف کے رہنما اور نامزد صدر عارف علوی نے کہا ہے کہ سب سے پہلے اپنے گھر کی ڈرینج ٹھیک کراؤں گا کیونکہ میرے بیڈ روم میں پانی کھڑا ہے اس کے بعد ایوان صدر جاکر باقی ملک کے کام سنبھا لوں گا۔ آج ملک جس نہج پر پہنچ چکا ہے اسے آئینی دائرکار میں رہ کر مشکل حالات سے نکالنے کی پوری کوشش کروں گا۔
