اسلام آباد (این این آئی) پاکستان پیپلز پارٹی کے رہنماء و سابق چیئرمین سینیٹ رضا ربانی نے امریکی وزیر خارجہ کی پاکستان آمد پر وزیراعظم عمران خان کو ان سے ملاقات نہ کرنے کا مشورہ دیتے ہوئے کہا کہ یہ ملاقات پروٹوکول کیخلاف ہے،وزیراعظم اور امریکی وزیرخارجہ کی بات چیت کے ٹرانسکرپٹ کو پبلک کرنا دباؤ ڈالنے کا نیا اقدام ہے۔میڈیا سے گفتگو کرتے ہوئے پاکستان پیپلزپارٹی کے رہنماء و سابق چیئرمین سینیٹ سینیٹر رضا ربانی نے کہا کہ وزیراعظم کو امریکی وزیرخارجہ کی آمد پر ان سے ملاقات

نہیں کرنی چاہئے،امریکی وزیرخارجہ سے وزیراعظم کی ملاقات پروٹوکول کیخلاف ہے لہٰذا امریکی وزیر خارجہ کی اپنے ہم منصب سے ملاقات ہونی چاہئے ۔انہوں نے کہاکہ وزیراعظم اور امریکی وزیر خارجہ کی بات چیت کا ٹرانس کرپٹ پبلک کیا گیا، ٹرانس کرپٹ کو پبلک کرنا دباؤ ڈالنے کا نیا اقدام ہے۔انہوں نے کہا کہ امریکہ نے دوسری بار پاکستان کے فنڈز روک لئے ہیں۔انہوں نے کہاکہ پاکستان امریکہ سے کوئی امداد نہیں لے رہا بلکہ امریکہ دہشت گردی کے خلاف جنگ میں اخراجات کی رقم ادانہیں کررہا۔