لاہور(سی پی پی)پاکستان مسلم لیگ ن کے رہنما خواجہ سعد رفیق نے وزیراعظم عمران خان کی سادگی مہم پرتنقید کرتے ہوئے کہا ہے کہ کیا غیرملکی مہمانوں کو لانے کیلئے’’رینٹ‘‘ پر گاڑیاں لی جائینگی؟۔ٹوئٹر پر خواجہ سعد رفیق نے نیلامی کے لیے پیش کی جانے والی قیمتی گاڑیوں کے اشتہار پر اپنے ردعمل
میں کہا کہ زیادہ پرانی گاڑیوں کی نیلامی کرو مگر سچ بول کر ، پروٹوکول کی نسبت یہ استعمال شدہ گاڑیاں بیچی گئیں تو ان کی قیمت کم ملے گی ، نقصان کا ذمہ دار کون ہو گا ؟؟ غیر ملکی مہمانوں کو لانے لے جانے کے لئے کیا رینٹ اے کار کا سہارا لیا جائے گا؟ زیادہ اخراجات ہوئے تو ذمہ دار کون ہو گا ؟۔
