لاہور (نیوز ڈیسک) پاکستان مسلم لیگ (ن) کے رہنما اور سابق صوبائی وزیر رانا ثناء اللہ کے خلاف ایڈیشنل سیشن جج لاہور کی عدالت میں مقدمے کے اندراج کے لیے درخواست دائر کردی گئی، ایک شہری ایوب کی جانب سے دائر کی جانب اندراج مقدمہ کی درخواست پر ایڈیشنل سیشن جج لاہور نے ن لیگ کے رہنما اور سابق صوبائی وزیر رانا ثناء اللہ کے خلاف مقدمہ درج کرنے کی درخواست پر تھانہ سول لائنز کے ایس ایچ او سے رپورٹ طلب کر لی ہے، شہری نے اپنی درخواست میں موقف اختیار کرتے ہوئے لکھا کہ ن لیگ
کے قائد اور سابق وزیراعظم نواز شریف کی پاکستان آمد کے موقع پر رانا ثناء اللہ نے بیان دیا تھا کہ نواز شریف کے استقبال کے لیے جانا حج کے برابر ثواب ہے، شہری نے درخواست میں موقف اختیار کرتے ہوئے مزید کہا کہ رانا ثناء اللہ کے اس بیان سے مسلمانوں کے مذہبی جذبات مجروح ہوئے ہیں، رانا ثناء اللہ کا یہ اقدام 295 اے کے زمرے میں آتا ہے اس وجہ سے رانا ثناء اللہ کے خلاف عدالت مقدمہ درج کرنے کا حکم دے، واضح رہے کہ عدالت نے تھانہ سول لائنز کے ایس ایچ او سے رپورٹ طلب کر لی ہے۔
