اسلام آباد(آ ئی این پی) گرینڈ اپوزیشن الائنس کے احتجاج میں عوامی نیشنل پارٹی کے کارکنوں نے باقی تمام اپوزیشن جماعتوں کے مقابلے میں بڑی تعداد میں شرکت کی، دوسرے نمبر پر متحدہ مجلس عمل کے کارکن تھے، جبکہ پیپلز پارٹی اور مسلم لیگ(ن) کے کارکن ان کے مقابلے میں کم تعداد میں تھے۔بدھ کو گرینڈ اپوزیشن الائنس نے مشترکہ طور پر الیکشن کمیشن آف پاکستان کے باہر دھاندلی کے خلاف زبردست احتجاج کیا۔ احتجاج میں سیاسی جماعتوں کے کارکنوں نے بڑی تعداد

میں شرکت کی۔ احتجاج میں عوامی نیشنل پارٹی کے کارکن سب سے بڑی تعداد میں شرکت کی۔ عوامی نیشنل پارٹی کے کارکن بڑی تعداد میں خیبر پختونخوا اور دیگر علاقوں سے احتجاج میں شرکت کیلئے اسلام آباد پہنچے ۔متحدہ مجلس عمل کے کارکنوں نے بھی بڑی تعداد میں شرکت کی ۔ پاکستان مسلم لیگ(ن) اور پیپلز پارٹی کی کارکن بھی احتجاج میں شریک تھے۔ اس موقع پر کارکنوں نے اپنے رہنماؤں کے حق میں نعرے بازی کی اور ان کے نعروں کا بھرپور جواب دیا۔