لاہور (آن لائن) لاہور ہائیکورٹ نے سابق وزیر مملکت کی عابد شیر علی کی این اے 108 میں ووٹوں کی دوبارہ گنتی کیلئے درخواست ناقابل سماعت قرار دے کر مسترد کر دی ۔ لاہور ہائیکورٹ کے روبرو عابد شیر کی درخواست پر سماعت ہوئی جس میں این اے 108 کے ووٹوں کی دوبارہ گنتی کا حکم نہ دینے کے احکامات کو چیلنج کیا گیا ہے۔ درخواست میں نشاندہی کی گئی کہ حلقہ این اے 108 میں صرف 1200 ووٹوں سے شکست ہوئی دوبارہ ووٹوں کی

گنتی کیلئے ریٹرنگ آفیسر کو درخواست دی ۔ عابد شیر علی کے وکیل کے مطابق ریٹرنگ آفیسر نے حقائق کے برعکس دوبارہ گنتی کی درخواست مسترد کر دی۔ وکیل کے مطابق ووٹوں کی دوبارہ گنتی کا حکم نہ دینا انصاف کے منشاء کے مطابق نہیں ہے۔ فرخ حبیب کے وکیل نے درخواست کی مخالفت کی اور اسے قابل سماعت قرار دیا ۔ ہائیکورٹ پہلے ہی اس حلقے سے تحریک انصاف فرخ حبیب کی کامیابی کا نوٹیفکیشن جاری نہ کرنے کا حکم دے رکھا ہے۔)