کراچی (این این آئی) پاکستان تحریک انصاف کے چیئرمین عمران خان نے سندھ اسمبلی میں اپوزیشن لیڈر مقرر کرنے کے لیے نومنتخب ایم پی ایز کو بنی گالہ طلب کرلیا ہے ۔ذرائع کے مطابق عمران خان نے سندھ بھر کے ایم پی ایز کو نو اگست کو بنی گالہ طلب کرلیا ہے ۔اجلاس میں اہم عہدوں اور ذمہ داریوں کا حتمی فیصلہ کیا جائے گا۔اجلاس میں سندھ اسمبلی میں اپوزیشن لیڈر کے حوالے سے بھی فیصلہ کیا جائے گا ۔دوسری جانبعام انتخابات میں رکن سندھ اسمبلی
منتخب ہونے والے تحریک انصاف کے رہنما فردوس شمیم نقوی نے یونین کونسل کی چیئرمین شپ سے استعفیٰ دیدیاہے۔ وہ 2015 کے بلدیاتی انتخابات میں ضلع شرقی کی یونین کونسل نمبر 13 کے چیئرمین منتخب ہوئے تھے۔ فردوس شمیم نقوی بلدیہ عظمی کراچی کی سٹی کونسل میں تحریک انصاف کے پارلیمانی لیڈر بھی تھے تاہم عام انتخابات 2018 میں پی ایس 101 سے انتخاب جیتنے کے بعد اب انہوں نے یو سی چیئرمین کی حیثیت سے استعفیٰ دیدیا ہے۔
